Аб праекце

Цяжка ўявіць цёплы сямейны вечар без любімай «Калыханкі». А перадача працягвае радаваць і здзіўляць сваіх аматараў!

Фантазёр і хітрун мішка Топа, рамантык Буслік, прыгажуня ліска Яна запрасілі ў госці разумніцу Рысю, ды так пасябравалі, што не захацелі яе адпускаць. 

На дапамогу дзядулю Дабрадзею з далёкай Галактыкі прыляцела касмічная дзяўчынка Эліна, пра ўсе здольнасці якой не ведае нават яна сама. Яшчэ у калыханачны пакойчык па-суседску заходзіць вясёлы і кемлівы хлопчык Данік.

У «Калыханцы» магчыма ўсё: гульні і цуды, ператварэнні і касмічныя палёты, спаборніцтвы і жарты, ды, вядома, найлепшыя мультфільмы. Тут няма месца толькі суму. А на прыемныя, казачныя сны дапамагае настроіцца знаёмая ўсім любімая песенька.

Дзетак любога ўзросту і дарослых, якія любяць бавіць час са сваімі малымі, запрашаем да прагляду кожны вечар а 20:40.

Праграма неаднойчы станавілася пераможцам і прызёрам Нацыянальнага тэлевізійнага конкурсу «Тэлевяршыня». А Уладзімір Варанкоў (Топа) у 2016 атрымаў прыз глядацкіх сімпатый як найлепшы вядучы.

 

Новыя відэа